(ნაწყვეტი)
თარგმანი ინგლისურიდან: ვაკო ნაცვლიშვილი გიორგი ხასაია
ჩვენ ყველანი შეიძლება ლტოლვილები ვიყოთ
ჩვენ შეიძლება ყველა გაგვაგდონ
ჩვენ შეიძლება ვინმემ შეგვიძულოს
ვინმედ ყოფნის გამო
მე ულამაზესი ადგილიდან ვარ
სადაც ხეობა იტბორება ყოველ წელს
და ქარიშხალი წლიდან წლამდე იმეორებს
რომ უნდა გადავიდეთ
მე ვარ უძველესი ადგილიდან
ჩემი ჯილაგი იქ დაიბადა
მეც იქ ყოფნა მსურს
მაგრამ სიცოცხლეც მინდა
მე მზიანი მხარის შვილი ვარ
სადაც სილაზე ტურისტები ირუჯებიან
და დილერები ყიდიან იარაღს
ოღონდაც ჩემგან ნუ ეცდებით ფასის გაგებას
მეუბნებიან რომ სამშობლო აღარ მაქვს
მეუბნებიან რომ არავინ არ ვარ
მეუბნებიან რომ ისტორიის ახალ წიგნებში
შესაძლოა ხსენებაც კი არ იყოს ჩემი
ჩვენ შეიძლება ყველანი ლტოლვილები ვიყოთ
ხანდახან ამას ერთი დღეც ყოფნის
ხანდახან ხელისჩამორთმევაც საკმარისია
ანდა ქაღალდზე ხელისმოწერა
ჩვენ ყველანი ლტოლვილები ვართ
ისე არავინ გაჩენილა ამ ქვეყანაზე
ისე უბრალოდ არავის არაფერი რგებია
რატომ გვიწევს ცხოვრება ცუდი ამინდის
ან სხვა უბედურების შიშით?
ჩვენ აქ ყველანი საიდანღაც მოვედით.
კომენტარის დატოვება